(no subject)

[catsidhe]

That poetry meme.

Edit: I've been adding my own translation alongside. I've tried to make it as close to the original as possible.
Note that the word 'warrior' or 'warriors' will get repetitive. This is because 'warriors' is the translation of rincas, magos, magorincas, dryht, ...

Beowulf and Grendel

Caput XI: 710
Ða com of more	under misthleoþum	Then came from the moor, under misty crags
Grendel gongan,	godes yrre bær;	Grendel went, bearing God's wrath
mynte se manscaða	manna cynnes	the evil one, determined of mankind
sumne besyrwan	in sele þam hean.	some to seize in that fine house
Wod under wolcnum	to þæs þe he winreced,	Under wood he walked, to the wine-palace
715
goldsele gumena,	gearwost wisse,	Goldhall of men, gladly he saw
fættum fahne.	Ne wæs þæt forma sið	flashing of fretwork. It was not the first time
þæt he Hroþgares	ham gesohte;	that he Hrothgar's home had sought;
næfre he on aldordagum	ær ne siþðan	never he in elderdays, early or late
heardran hæle,	healðegnas fand.	such hardy heroes, hall-thanes found.
720
Com þa to recede	rinc siðian,	To the house come, the warrior went
dreamum bedæled.	Duru sona onarn,	divided from bliss. The door at once opened
fyrbendum fæst,	syþðan he hire folmum æthran;	though bolted fast, as soon as his hand touched it;
onbræd þa bealohydig,	ða he gebolgen wæs,	burst then he balefully, enraged as he was
recedes muþan.	Raþe æfter þon	the house's mouth. Then quickly after,
725
on fagne flor	feond treddode,	on painted floor, the fiend trod
eode yrremod;	him of eagum stod	irefully he went; from his eyes streamed
ligge gelicost	leoht unfæger.	flashing flame, firey light.
Geseah he in recede	rinca manige,	Saw he in the house, many warriors
swefan sibbegedriht	samod ætgædere,	a sleeping peaceful host, all gathered together,
730
magorinca heap.	þa his mod ahlog;	a heap of warriors.
mynte þæt he gedælde,	ærþon dæg cwome,
atol aglæca,	anra gehwylces
lif wið lice,	þa him alumpen wæs
wistfylle wen.	Ne wæs þæt wyrd þa gen
735
þæt he ma moste	manna cynnes
ðicgean ofer þa niht.	þryðswyð beheold
mæg Higelaces,	hu se manscaða
under færgripum	gefaran wolde.
Ne þæt se aglæca	yldan þohte,
740
ac he gefeng hraðe	forman siðe
slæpendne rinc,	slat unwearnum,
bat banlocan,	blod edrum dranc,
synsnædum swealh;	sona hæfde
unlyfigendes	eal gefeormod,
745
fet ond folma.	Forð near ætstop,
nam þa mid handa	higeþihtigne
rinc on ræste,	ræhte ongean
feond mid folme;	he onfeng hraþe
inwitþancum	ond wið earm gesæt.
750
Sona þæt onfunde	fyrena hyrde
þæt he ne mette	middangeardes,
eorþan sceata,	on elran men
mundgripe maran.	He on mode wearð
forht on ferhðe;	no þy ær fram meahte.
755
Hyge wæs him hinfus,	wolde on heolster fleon,
secan deofla gedræg;	ne wæs his drohtoð þær
swylce he on ealderdagum	ær gemette.
Gemunde þa se goda,	mæg Higelaces,
æfenspræce,	uplang astod
760
ond him fæste wiðfeng;	fingras burston.
Eoten wæs utweard;	eorl furþur stop.
Mynte se mæra,	þær he meahte swa,
widre gewindan	ond on weg þanon
fleon on fenhopu;	wiste his fingra geweald
765
on grames grapum.	þæt wæs geocor sið
þæt se hearmscaþa	to Heorute ateah.
Dryhtsele dynede;	Denum eallum wearð,
ceasterbuendum,	cenra gehwylcum,
eorlum ealuscerwen.	Yrre wæron begen,
770
reþe renweardas.	Reced hlynsode.
þa wæs wundor micel	þæt se winsele
wiðhæfde heaþodeorum,	þæt he on hrusan ne feol,
fæger foldbold;	ac he þæs fæste wæs
innan ond utan	irenbendum
775
searoþoncum besmiþod.	þær fram sylle abeag
medubenc monig,	mine gefræge,
golde geregnad,	þær þa graman wunnon.
þæs ne wendon ær	witan Scyldinga
þæt hit a mid gemete	manna ænig,
780
betlic ond banfag,	tobrecan meahte,
listum tolucan,	nymþe liges fæþm
swulge on swaþule.	Sweg up astag
niwe geneahhe;	Norðdenum stod
atelic egesa,	anra gehwylcum
785
þara þe of wealle	wop gehyrdon,
gryreleoð galan	godes ondsacan,
sigeleasne sang,	sar wanigean
helle hæfton.	Heold hine fæste
se þe manna wæs	mægene strengest
790
on þæm dæge	þysses lifes.
Caput XII
Nolde eorla hleo	ænige þinga
þone cwealmcuman	cwicne forlætan,
ne his lifdagas	leoda ænigum
nytte tealde.	þær genehost brægd
795
eorl Beowulfes	ealde lafe,
wolde freadrihtnes	feorh ealgian,
mæres þeodnes,	ðær hie meahton swa.
Hie þæt ne wiston,	þa hie gewin drugon,
heardhicgende	hildemecgas,
800
ond on healfa gehwone	heawan þohton,
sawle secan,	þone synscaðan
ænig ofer eorþan	irenna cyst,
guðbilla nan,	gretan nolde,
ac he sigewæpnum	forsworen hæfde,
805
ecga gehwylcre.	Scolde his aldorgedal
on ðæm dæge	þysses lifes
earmlic wurðan,	ond se ellorgast
on feonda geweald	feor siðian.
ða þæt onfunde	se þe fela æror
810
modes myrðe	manna cynne,
fyrene gefremede	(he wæs fag wið god),
þæt him se lichoma	læstan nolde,
ac hine se modega	mæg Hygelaces
hæfde be honda;	wæs gehwæþer oðrum
815
lifigende lað.	Licsar gebad
atol æglæca;	him on eaxle wearð
syndolh sweotol,	seonowe onsprungon,
burston banlocan.	Beowulfe wearð
guðhreð gyfeþe;	scolde Grendel þonan
820
feorhseoc fleon	under fenhleoðu,
secean wynleas wic;	wiste þe geornor
þæt his aldres wæs	ende gegongen,
dogera dægrim.	Denum eallum wearð
æfter þam wælræse	willa gelumpen.
825
Hæfde þa gefælsod	se þe ær feorran com,
snotor ond swyðferhð,	sele Hroðgares,
genered wið niðe;	nihtweorce gefeh,
ellenmærþum.	Hæfde Eastdenum
Geatmecga leod	gilp gelæsted,
830
swylce oncyþðe	ealle gebette,
inwidsorge,	þe hie ær drugon
ond for þreanydum	þolian scoldon,
torn unlytel.	þæt wæs tacen sweotol,
syþðan hildedeor	hond alegde,
835
earm ond eaxle	(þær wæs eal geador
Grendles grape)	under geapne hrof.